“Kauli ya Kova ni ya kumuhujumu Rais“

Kamanda wa Polisi wa Kanda Maalum ya Dar es Salaam, Suleiman Kova.

Kamanda wa Polisi wa Kanda Maalum ya Dar es Salaam, Suleiman Kova.

TAARIFA KWA VYOMBO VYA HABARI. Kufuatia tamko la Kamanda wa Kanda Maalum wa Mkoa wa Dar es Salaam la kutoa onyo kwa Waislama na kusema kwamba wanamshikilia Sheikh Ponda kwa tuhuma mbili za, kwanza, kutokana na tukio la Morogoro na, pili, kukiuka masharti ya kifungo cha nje alichohukumiwa mwanzoni mwa mwaka huu, CUF – Chama cha Wananchi kinatafsiri tamko hili kama muendelezo wa kile kinachoonekana kuwa ni hujuma dhidi ya Rais Jakaya Mrisho Kikwete.

Hatuoni sababu ya Kamanda Suleiman Kova kutoa onyo kwa Waislamu kwa jambo ambalo Waislamu wameshatoa tamko kupitia Amiri wao, Sheikh Mussa Kundecha, na kuiomba serikali kuunda tume huru ya kuchunguza tukio hilo.

Tangu litolewe tamko hilo, hakuna Muislamu yoyote aliyefanya jaribio lolote la kutaka kulipa kisasi kwa polisi au kwa mtendaji yoyote wa serikali. Sasa kuna haja gani ya kutoa onyo kwa jambo ambalo Waislamu wameshakubali maelekezo ya viongozi wao?

Pili, kutangaza kumshikilia Sheikh Ponda akiwa hospitalini, ambako anapatiwa matibabu, kwa kisingizio au kwa tuhuma za tukio la Morogoro au kukiuka masharti ya kifungo cha nje ni hoja zisizo na mashiko.

Juu ya suala la Morogoro, Makao Makuu ya Jeshi la Polisi imeunda tume ya kuchunguza tukio hilo, na tayari tume hiyo  imeshaanza kazi ya kukusanya taarifa kwa watu mbalimbali mjini Morogoro.

Sasa wewe Kamanda wa Kanda Maalum unahusikaje kwenye jambo hilo la Morogoro? Au umepewa maagizo ya kumkamata Ponda na Tume iliyoundwa toka Makao Makuu?

Iwapo umepewa amri, je Tume hiyo imeshakabidhi ripoti yake kwa IGP Saidi Mwema na imependekeza Ponda akamatwe kwa tukio hilo kwamba yeye ndiye muhusika alimpiga risasi Sheikh Ponda?  (Hapa nina maana amejipiga risasi mwenyewe?). Hivi Kova ni Msemaji wa Jeshi la Polisi Makao Makuu?

Suala la kukiuka masharti ya kifungo cha nje, hivi Kova unayafahamu hayo masharti na umepata agizo lolote toka kwa Hakimu au Mahakama ilimuhukumu Sheikh Ponda, kwamba umkamate kwa kuwa amekiuka masharti?

Maswali yote haya yanakupa majibu na mtazamo sahihi kwamba Kova unafanya kazi ya kumuhujumu Rais.

CUF – Chama cha Wananchi kinaitafsiri kauli ya Kamanda Kova kama imelenga kutoboa jahazi lililobeba hasira za Waislamu katika suala hili la kupigwa risasi Sheikh Ponda.

Kauli hii inapaswa kulaaniwa na wapenda amani wote. CUF -Chama cha Wananchi kinamshauri Kamanda Kova kwa sio lazima kujibu kila jambo unaloulizwa na waandishi wa habari, na ikiwa lazima kujibu, basi upime kile unachojibu kwa maslahi ya nchi na usijibu tu kwa maslahi yako.

Mwisho kabisa CUF – Chama cha Wananchi kinamtaka IGP Saidi Mwema kutoa ufafanuzi juu ya kauli tata za Kamanda Kova.

Imetolewa na:

Abdul Kambaya
Naibu Mkurugenzi wa Haki za Binaadamu, Sheria na Uenezi, CUF

2 thoughts on ““Kauli ya Kova ni ya kumuhujumu Rais“

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s